شهر اكتوبر اغراضي باللون الوردي

السلام عليكم ورحمة الله وبركاتة "
كيفكم صبايا ان شاء الله الكل بخير
الكل عارف ان شهر اكتوبر شهر التوعية عن سرطان الثدي وشفنا كثير اعلانات وبرامج تتكلم عن الكشف الدوري
للثدي ولو شفتوا كمان توزيعات بروشات ومطويات عن سرطان الثدي وتكلم عن اضراره وكيفية الوقاية منه، ،
(الله يحمينا واياكم من هالمرض ويشافي كل من ابتلى فيه)
انا هنا حشارك باشياء باللون الوردي احبها كثير واتكلم من فين كمان

نبدآ من جهة اليمين حبايبي ^_*
1-روج من مكياجي صبايا رقمه 25 لون فوشيي جميل جدا
2- روج من مكياجي المجموعة الذهبية لون بينك رقمه 24
جميييييييل دا الرو ج من جماله  بيخلص على نهايته، دا سواتش بسيط لدي اللونين

اللي فوق هو من صبايا واللي تحت المجموعه الذهبية "
3- بلاشر كريمي من ميبلين جميل جدا
4- مناكير ناسية من فين صراحه من زماااااان عندي لونها جميل على الاظافر
5- شنطة هدية من ميبلين للميك اب حجمها وسط وتشيل كل اغراضي

وهنا انتهى البوست الجميل لذا الشهر،
اتمنى من الكل يفحص لصحتك جميع
-  للتوعية on.fb.me/1hLJNV2 pic.twitter.com/UzWDdBjYDF

استخدامات فرش مكياجي

السلام عليكم وحمة الله وبركاته كيفكم بنات ؟

عندي فرش مكياجي المكونه من 10 فرش جاتني هديةوصراحه ماعرفت كيف استخدم بعضها ف شوفت فديو ل/ ريفيو عنها

ف حابة اتكلم عن هالفرش واستخدام كل وحده يمكن غيري يستفيد زي مااستفدت انا ^_*

1- اول فرشة من اليمين للبودرة والبرونز .

2- للبلشر .

3- للدمج مدمع العين.

4- للدمج زوايا العين الخارجيه والجفن المتحرك.

5- للكونسيلر .

6- للشدو ووممكن للاضاءة تحت الحاجب.

7- للشدو كمان.

8- للكحل وكمان للحواجب والرسم بالشدو.

9 للكحل الكريمي اللاينر السائل .

10- فرشاة لتوزيع الروج.

جودتها تمام والفرش ملمسها ناعم جدا كمان لازم تتنظف كل بعد اسبوعين حسب استخدامك لها ممكن تشتري الشامبو اللي 

تنظفيه بيه الفرش ووممكن شامبو اطفال ومويا تغسلي فيها الفرش وتنظفيها ,

صراحه بعد ماشفت فرش ريل تكنيك جميله جدا وان شا الله حشتريها وكمان فرش سقيما جميله ودائما ننصح المبتدئات

في الميك اب استخدام فرش مثل مكياجي وكدا ,,

اتمنى يكون البوست عجبكم شاركوني ارائكم وانشرو الرابط


تابعوني @sos_miss

موضة الاكسسواريز لهذا الصيف

(بسم الله الرحمن الرحيم)

مساء الخير ياحلوين ان اء الله الكل بخير وسلامة

والف مبروك للناجحين واجازة سعيده للجميع ^_*

اكيد طولت كثير ,, اليوم جايتكم بموضوع مممره حلو وخفيف وانتشر كثير اكسسوارات الكف, الاظافر , الاذن

 لاحظنا الفتره الاخيرة انتشار اشكال جميلة وغريبة بنفس الوقت من الاكسسواريز مثل :

دي الاشكال اشتهرت قبل فتره طويلة والوانها جميله مع المناكير

شوفوا دا حبيته مممره اللي على الاصبع السبابه

وكمان الحلقان الجديده اللي نزلت زي حلق مريام اللي اشتهرت فيه طبعا مو الكل بيحبه بس هو دارج هالفترة

مشترياتي شهر مايو

"بسم الله الرحمن الرحيم "
صباح الخير للجميع ,,
اليوم ان شاء الله اول بوست انزله في المدونه راح يكون عن مشترياتي هالشهر للميك اب ماأحب أجرب اي حاجا على بشرتي واكيد اللي ناسب غيري ماراح يناسبني ف الافضل لي اشوف اللي يناسبني انا بتكلم عن كل منتج باللي اعرفه وماراح اتفلسف كثير نبدآ وعلى بركة الله ,,

المسكرات"
ميبلين الصفراء عشق البنات خفيفه وجميلة جدااا دي 2 مره اشتريها
ومسكرا للتكثيف وتطويل الرموش من برجوا اللي بعلبه ولونها وردي شفتها كثير بالمدونات وكدا ومدح عليها كثير
والمسكرا البنفسجيه من صيدليه وايتس الرياض تكثيف وتطويل 
المسكرا تبع ميبلين هي اللي استخدمها الباقي مو ليا اكتفي بشيء واحد اما بخصوص التكثيف ف الامر دا مايهمني رموشي جميله بسم الله علي ..^_*







-بودرة ريميل مضغوطة جميله جدا 
-اساس جديد من برجوا يناسب كل البشرات 
كان عندي الاساس القديم تبعهم تغطيه خفيفه ومناسبني جدا
 -روجين الاحمر والفوشيا من "ريفلون"
-اضاءة من برجوا اول مره اجربها لون لولي 
اللي تعرف اضاءة نوعها تمام وماتختفي تقولي ^_*
- فرش ريل تكنيك " ممره حبيت نوع الفرش وناعمه جدا "
طقم السفر يتكون يتكون من ثلاث فرش أساسية:
-فرشة الفاونديشن
- فرشة الشدو لوضع اللون الأساسي والدمج
- فرشة للبلاشر أو الباودر أوالكونتور ( اللمسات النهائية)
 - بلاشرات نكس رهيبة بشكل حبيتها اكثر من المجموعه الذهبيه تبع مكياجي اكرهه لون الوردي والبيج اتوقع
لقيت هالنموذج ممكن يفيدنا باختيار الارواج اوقات نشوف لون الروج على بشرتنا حلو بس لما نحطه على شفايفنا مابيعجبنا
او بيخلي الاسنان عندنا لونها اصفر بالذات اللون الاحمر



 وبس دي مشترياتي لهالشهراتمنى انكم استمتعوا معايا وعجبكم البوست ادعموني برتويت وتعليقاتكم
والتصوير باذن الله راح يكون احسن من كدا بس لاني مالقيت الوصله "للضرورة احكام
وراح اتفادى هالشيئ في البوستات الجاية أرحب ب/ اي استفسار او تعليق ..
"سوس"

مرحبا حبايبي ..

     "   بسم الله الرحمن الرحيم "

يسعد مسائكم حبايبي , ويسعد صباحكم جميعآ

ترددت كثير في الدخول لعالم البلوقرز مع اني أحب اكتب ولدي اسلوبي البسيط والخاص

ومنها أفيد غيري بتجاربي , مشترياتي , كتاباتي , فضفضه عامه لا أكثر 

وأوصل للعالم الشيء اللي أنا ابغاه وحابته كثير واكيد بكون بعيده كل البعد عن الضغط اللي حولي

وبيكون هنا متنفسي الوحيد اللي مابندم بيوم اني كتبت فيه حاجه ..

أحب التجديد بحياتي وأجرب كل حاجه "

- جربت الرسم على التيشيرتات وكان ممتع واشكر اللي دعمتني (نوف صولي)

بس تركت هالشيء لان ماكان حولي دعم وقتها كنت مشغولة بدراستي بالجامعه والحمدلله اني تخرجت وحاليا راح ارجع ارسم وقريبا راح تشوف رسماتي ..

- جربت الرسم على لوحات بحكم عملي وتخصصي (رياض أطفال) واحب تكبير الرسمات تمنيت اسجل بدورة الرسم الجداري بس للاسف راح وقتها علي ..

- جربت كتابة المقالات ممتعه بالنسبه ليا وقريبة من قلبي كثير وأشكر الاستاذ (خالد العواجي ) من كل قلبي على دعمه المستمر لي ..

- والان اقوم بتجربة عالم المدونات وأشكر الانسانه الرائعه اللي بجد شجعتني ودائما معايا ( مها الشهري )

- متابعة جيده لمدونات الفاشون وعشق كل فتاة الموضة والجمال ..

- ماأحب التصنع ولا أعرف أجامل وزي ماتقول لنا الاخت جوجو "كوني أنت"

- طموحة جدا ولا أسمح لأي شخص كان ان يحطمني فــ طموحي للقمم  ..

اتمنى ان تكون بدايه حلوة لي في عالم المدونات وأفيد وأستفيد من الكل

"أن أصبت فمن الله وأن أخطأت فمن نفسي والشيطآن "

اختكم / سوس ..